منتديات تالا تشمل كل جديد لان تندم على تسجيلك معنا


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ناصر الفراعنه [دثريني يامنيره] [أبيات كتابيه]

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

السلام عليكم ورحمة الله وبركاته

هذه هي الأبيات

king


دثرينـي يـا منيـره زملينـي يــا منـيـره

يا منيره في فـوادي فـرخ عبـدٍ طـق زيـره

من هنوفٍ صوبها راع الهـوى يشعـب بعيـره

سيـدة سـادات قـومٌ سـادةٌ أبنـاء ســاده

من بهاها يا منيره ويش أوصف ويـش أخلـي

في جبين الطهر منهـا بـدر سبتيـن متجلـي

هالـةٍ دون المصلـى أخلفـت وجـه المصلـي

في محاجرها عقيد القـوم يومـي بـه جـواده

الحجـاج هـلال مـا هـو فـي أهلتنـا مقيّـد

من يشوفه قبـل لا يبـدي هـلال العيـد عيّـد

لا متى والموت حدر رموشهـا السـود يتصيـد
لا متى ذبح البشر عند العيـون السـود عـاده

دوب يانـع وردهـا فـي روض لبتهـا تفتـق

في سحر منطوقها صرفٍ مـن الـراح المعتـق

وكن ظفايرها علـى الغـره ليـا قامـت تنتـق

خدم سـودٌ وقـوفٌ حـول بنـت البيـه غـادهٌ

يا وجودي يالزبـاد الزبـد يالبيـض المقشـر

يوم حازت من أمامي عمـد وأحمـر المؤشـر

مـا أنـا إلا أخـو عقـمٍ بمـولـودٍ مبـشـر

من سروري يوم أعانق طيفها فـوق الوسـاده

كن أصابعهـا مـن العنـاب أو بسـر عراقـي

أو بلح شـامٍ مجفـف أو قنانـي خمـر ساقـي

وكن ترايبها صحاف التـرك حمـران الطواقـي

في سنا نور رقبتهـا ذابـت أكثـر مـن قـلاده

فتنةٍ من شافها في جو سابـع عـرش عـرّش

كاد ناعم ثوبها في جسمهـا الغـض يتحـرّش

مرحبا يا مرحبا يـا مرحبـا بالطـش والـرش

بالحرير الحـر والغـرو الغريـر الغـر عـاده

كل مـا تكبـر تزيـن وكـل مـا تقـدم تجـدد

كن نحرهـا مـن وراء بوابـة الثـوب يتهـدد

حجم ناحل خصرها في ردفهـا لا جيـت أحـدد

حجم نقطة نون داخل نـون مـا تقبـل زيـاده

بيـن خـصـرٍ إشتـراكـيٍ وردفٍ رأسمـالـي

ويل ويلي شيب عيني طر جيبـي ويـل حالـي

كل غضٍ فـي نحرهـا شايـفٍ نفسـه معالـي

والثنيـن بصـراحـه يستحـقـون الإشــاده

كن عايـم صدرهـا فـي وقفتـه قـرمٍ ينـادي

في خضم المعركه هل مـن مبـارز أو معـادي

من غروره يعتبر كل مـا نقولـه فيـه عـادي

يا مصابيح الرواهب من بياضـه فـي سـواده

من مـزاج الزنجبيلـه فـي شفـاه السلسبيلـه

أورد الساعـي كليـبٌ حتفـه نظـم الجليـلـه

جمـرةٍ فـي روح تمـره ضيعـت أبـو دليلـه

قايـدٍ حـاذاه قايـد ريـم وأنـسـاه القـيـاده

من ليونتهـا كـأن مالـه ولا عظـمٍ جسدهـا

ومن نعومتها تخاف خدودها مـن لمـس يدهـا

ومن كثر ما مشيها جذاب مـا تمشـي وحدهـا

ومن كثر ما جلدها صخيفٍ تحب اللبـس سـاده

ويش يسوى المسك وأبو المسك مع ريحة عرقها

يوم ذبت شالها وأهتـز فـي الملعـب حلقهـا

مـا كـأن الله مثـل باقـي مخاليقـه خلقهـا
فتنةٍ كانـت طقـوس القصـر تعبدهـا عبـاده

Wink

معاينة صفحة البيانات الشخصي للعضو

معاينة صفحة البيانات الشخصي للعضو
يسلمووو توت الشام على التواجد في الموضوع

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى